Dakizuen bezala, duela 23 urte Merkatu txikia  ekimena martxan jarri genuen, eta geroztik urtero antolatzen dugu. Gure helburua kooperazio eta elkartasun baloreak ikasleekin gelan lantzeaz gain,  ekintza jakin honetan ikastola komunitatea osatzen dugun guztion partaidetza bultzatzea da.

”Laguntza bat, irrifar bat” lelopean gauzatuko dugun ekintzaren bitartez, hiru proiektuen artean banatu nahi dugu gure laguntza, “ Baltistan Fundazioa”, “Ibarratik misio taldea” eta “Tolosaldea Sahararekin” G.K.Eak lantzen ari direnak hain zuzen ere.

Proiektu hauek bideratzeko, ikastolako kide guztion partaidetza -ikasle, ikasle ohi, irakasle eta gurasoena-, ezinbestekoa dugu. Batetik etxean erabilerarik gabe, alferrik ditugun arropak, jostailuak, liburuak... merkatu txikira eman ditzakezgu. Bestetik antolaketa lanerako guraso, langile eta ikasleen beharra dugu. 

• Bilketa: dendek ematen dituzten produktuak biltzean datza lana  eta honetarako gutxienez 16 lagun behar ditugu. Aldez aurretik ikasleak pasatzen dira dendetatik eskaera gutuna banatzera eta ondoren gurasoak joaten dira laguntza jasotzera eta biltegira ekartzera.
• Muntaia:  kultur etxeko aretoa salmentarako prestatzean datza lana eta honetarako 15 lagun gutxienez behar ditugu abenduaren 20 eta 21ean goizez edota arratsaldez.
• Salmenta: produktuak saltzeaz arduratzean datza lana. Irekita dagoen bitartean (abenduaren 26tik urtarrilaren 5era) txanda bakoitzeko hiru heldu arduradun behar ditugu gazteen laguntzaz salmenta bideratuko dutenak. Txanda bakoitzak 3 orduko lana egin beharko luke ( 10:00-13:00 edo 17:00-20:00)

Parte hartu nahi baduzu, mesedez, ondorengo eranskina bete eta ondoren, bolondres guztiekin jarriko gara harremanetan.

Mila esker