ETORRI NAHI AL DUZUE “GURE ZIRKURA”?

Astelehenean, maletatxo bat topatu zuten  hiru urteko ikasleek ikastolan. Barruan, zer topatuko eta pailazo sudur bat, aurkezlearen mikrofonoa, magoaren makil magikoa eta malabaristaren karioka parea. Jarduera polit honekin eman diete hasiera “GURE ZIRKUA” proiektuari.

Ondorengo asteetan, ikasleak, zirkoko pertsonaia ezberdinak ezagutzen joango dira eta hauetariko bakoitzarekin ekintza ezberdinak egingo dituzte. Bestalde, abestiak, olerkiak, asmakizunak landuko dituzte arte lan ezberdinekin batera.

Zirkua mundu magikoa eta dibertigarria da eta horren bidez, haurren sormena eta lankidetza garatzeko aukera paregabea izango dute!

Has dadila ikuskizuna!