Musikariak ikastetxeetan programaren harira, Aguxtin Alkhat musikari baxenafarra Laskorain Ikastolan izan genuen abenduaren 18an. Musikariaren ibilbidea eta bere sortze prozesua gertutik ezagutzeko aukera izan zuten saioan izan ziren DBHko ikasleek. Aguxtin Alkhatek sortutako kantuak ez ezik, euskal kantutegian oso ezagunak diren kantuak ere abestu zituen: Sorterriko koplak eta Zaindu maite duzun hori, esaterako. 

Aukera bikaina izan da DBH 2ko Musika eta Sorkuntza ikasgaian lantzen diren zenbait gairi errepasoa emateko; maila horretan lantzen baitira euskal kantagintza berriaren sorrera, euskal rock-and-rolla, folkaren loraldia, RRV (Rock Radical Vasco) deiturikoaren eztanda, trikitiaren baserritik kalerako jauzia, 90eko hamarkadako oparotasuna, edo XXI. mendeko kantagintza, besteak beste.