2003tik, Xiberoako Ikastolek gabonetarako otarreak atontzen dituzte bertako ekoizpenekin. Iaz, 1.600 otarre salduz 17.000 euroko diru laguntza jaso zuten Zuberoako bi Ikastolek.

Ekimenaren helburuak :
– Xiberoko Ikastolak laguntzea
– Xiberoko ekoizpenak ezagutaraztea eta dastaraztea

Ipar Euskal Herrian euskarak ez du babes ofizialik. Euskara hizkuntza gutxiagotua da gure lurraldean. Euskararen etxeko transmisioa Zuberoan eteten ari den heinean, Ikastolek dute euskararen transmisioa bermatzen.

Zuberoan Ikastolak garatzen eta indartzen jarraitzeko Euskal Herri guztiko elkartasuna ezinbestekoa zaigu.

Euskara susta dezagun, Zuberoako Ikastolak lagunduz !

Saskiak www.ikaskoli.eus webgunean errosi daitezke azaroaren 30 arte