Laskorain Ikastolako abesbatzak bi kontzertu eskainiko ditu Umama proiektuaren baitan, abenduaren 20an Tolosan eta 23an Iruñean.

Euskal Herriak altxor amaigabea du Eguberri kantuei dagokienez. Eguberri Umama izeneko bigarren diskoa argitaratu du Juantxo Zeberio Etxetxipiak,  txiki-txikitatik etxean eta kalean entzun eta abestu izan ditugun gabon kanta kuttunen aukeraketa bat egin du, eta bere erara moldatu.

Lan honekin, gure herriko “gospel propioa” aldarrikatu eta guztion eskura jartzea izan da asmoa, baina ezohiko moldean: Oñatiko Ganbara Abesbatza, Laskorain Abesbatza, Iruñeko Paz de Ziganda ikastolako abesbatza, Amets Aranguren (Ibil Bedi), Malentxo Zeberio (Mirua) eta jazz eta hari laukoteen laguntzarekin.

Gure abesbatzaren doinuez gozatzeko aukera paregabea dugu, lehen mailako musikarien laguntzarekin.