Euskararen Eguna gainean dugu, eta Laskorain Ikastolan dagoeneko abenduaren 3ra begira gaude guztiok. Eta nork dakar jaia? Ba, Argitxo lagun maiteak!! Aste honetan, erronka eta abentura zoroak prestatu ditu guretzat, eta denok ilusioz gaude.

Astelehenetik aurrera, altxorraren bila joko erraldoia hasiko da Tolosako kaleetan. Argitxok altxor preziatu bat ezkutatuko du egunero herriko bazter batean, eta sare sozialetan emango dizkigu pistak. Adi ibili, badaezpada txokorik txikienak ere miatu beharko dituzue altxorra aurkitzeko! Ea nork aurkitzen duen lehenengo!

Baina hori ez da dena! Argitxok, maitasunez beteta, sakramentinoetako familiei erronka dibertigarri bat jarri die: berari marrazki bat egitea. Euskararen Egunean, marrazki guztiak ikusgai jarriko dituzte, eta, bai, bai, zuetako norbait izango da sari eder baten irabazlea! Pentsa, Argitxok txalotzen bazaitu, sari potoloa eramango duzu etxera!

Baina zergatik egiten dugu guzti hau? Zergatik hainbeste kolore, ilusio eta jolas? Bada, gure euskara maite dugulako. Euskara ez da bakarrik hitz egiteko modu bat; gure arbasoen altxor preziatua da, bihotzak elkartzen dituena eta herri oso bati arnasa ematen diona. Gure hizkuntzak, euskarak, gure identitatea eta ametsak ehuntzen ditu. Horregatik, elkartu gaitezen, txikien bihotzetan ere euskara bizirik mantentzeko. Gora euskara, eta gora euskaldunon bihotza!