Ikastolaren eguna
Igandean Ikastolaren eguna ospatuko dugu, eta dagoeneko lan-taldeak osatu dira.
1500 lagun baino gehiago elkartuko gara bazkaltzeko, eta 200 bolondres arituko dira lanean.
Halere, ostiral arratsaldean montajea egingo dugu eta guztion laguntza eskertuko dugu. Arratsaldeko 18:00etan Usabalgo patioan elkartuko gara.
Ondorengo egitaraua prestatu dugu iganderako:
10:30 BIZIKLETA ibilaldia
11:00 HAMAIKETAKOA eta JOLASAK.
LH 1-2 estalpe berrian
LH 3-4 gimnasio pareko gunean
LH 5-6 suhiltzaileen aldeko gunean
DBH 1-2 eguzki-lore ondoko egurrezko zubitik hasiko dira
12:00 Haur Hezkuntzako ikasleen JAIALDIA
12:30 ANTZERKIA Areto nagusian
13:30 ABESBATZA Gimnasioan
12:30 - 13:30 DBHko ikasleen arte erakusketa LHko ganbaran
14:15 BAZKARIA. 1500 baina gehiago elkartuko gara!!!
15:30 KAZKABARRA taldearekin JOLASAK
16:00 POTXIN eta PATXIN pailazoak
16:30 GURASOEN JOLASAK
17:00 Erromeria IRATZAR taldearekin
19:00 Amaiera
Hainbat ohar:
1. Jasotzeko lan taldea.
Guraso, ikasle eta langile bolondresen erantzuna bikaina izan da aurtengoan ere (200 bolondresetik gora) eta lan talde guztiak behar bezala bete dira, jasotzeko lantaldea izan ezik.
Beraz, mezu honen bidez, parte hartuko dugun guztiok jaia amaitzean, mahai eta aulkiak bildu eta patioa txukun uzten laguntzea eskatu nahi dizuegu; denon artean errazago egingo dugu eta!
Mahaiak eta aulkiak ostiralean, arratsaldeko 18:00etan jarriko ditugu patioan. Talde hau osatu bada ere, jende gehiago animatzen bada, hobe!
2. Hamaiketakorako tortilla.
Hamaiketakorako tortilla bat ekartzera animatu nahi zaituztegu. Tabernaren aldameneko mahaian jasoko ditugu tortillak, eta arratsaldean partaideen artean zozketa bat egingo dugu.
3. Bizikleta ibilaldia.
Urtero bezala, bizikleta ibilaldia antolatuko dugu.
Goizeko 10:30ean Usabaletik atera eta ondorengo ibilbidea burutuko dugu:
Usabal, Iurreamendi, Berazubi, Nafarroa etorbidea, Foruen etorbidea, Zumalakarregi, Korreo kalea, Gorriti plaza, Gorosabel kalea, San Frantzisko, Araba etorbidea, Ikastola.
Gogoratu kaskoa eramateaz.
4. Argazki bilduma.
Ikastolaren egunean ateratako argazki eta bideoen bilduma bat egin nahi dugu.
Egunean zehar ateratako argazki eta bideoak, laskorain@ikastola.eus helbidera bidaltzea eskatu nahi dizuegu "Ikastolaren eguneko argazki eta bideoak" izenburuarekin.
