Aste honetan zehar Urdinduz astea ospatu dugu Ikastolan, autismoaren inguruko kontzientzia areagotzeko helburuarekin. Horretarako, ikastola osoa urdinez eta infinituaren ikurrez apaindu dugu, “Infinitua gara” leloari erreferentzia eginez horrela. 

Haur Hezkuntzatik hasi eta DBHra bitarteko ikasleek hainbat ekintza landu dituzte astean zehar autismoa zer den hobeto ulertzeko. Jarduera hauei esker, ikasleek elkarrekiko errespetua, enpatia eta begirada zabalago bat garatzeko aukera izan dute.

Urdinduz astea ospatuz, gure komunitateko aniztasuna ikusaraztea eta guztiontzako ikastola inklusiboago bat eraikitzen jarraitzea dugu helburu.

Gaur arratsaldeko 19:00etan Bertso saioa musikatua izango da Fronton tabernan. Julio Soto, Onintza Enbeita, Beñat Gaztelumendi eta Eli Pagola bertsolariak arituko dira kantuan, Aner Peritz "Euzkitze" eta Libe Goenaga musikariek lagundurik. Gai jartzailea Maite Aizpurua izango da. Saioa doakoa izango da. 

Bide batez, ikastolako komunitateko kideak igande honetan ospatuko den Urdinduz Egunean parte hartzera animatu nahi ditugu. Ibiladia goizeko 11:30ean irtengo da Triangulotik, eta bukaeran puzgarriak, buruhandi eta erraldoiak, jatekoa eta edatekoa egongo da.Elkarrekin urratsak emanez, guztiontzako gizarte inklusiboagoa eraiki dezakegulako.