Ohiturari eutsiz, abenduaren 24an Tolosako kaleetara aterako gara Gabon kantak abestera. Egun horretan, ikastolako patioan elkartuko gara, goizeko 10:00etan Lehen Hezkuntzakoak eta 10:30ean Haur Hezkuntzakoak. Familiak parte hartzera animatu nahi zaituztegu.

Honakoa da egingo dugun ibilbidea:

Haur Hezkuntzakoak: Sakramentinoak 10:30, Berazubi, Pedro de Tolosa, San Frantzisko. Kantu birari Lopez Mendizabal Plazan emango diogu bukaera eguerdiko 12:00etan. Eguraldi txarra egingo balu, Ikastolan bertan abestuko dugu eta ekintza 11:00ak inguruan amaituko genuke.

Lehen Hezkuntzakoak: Sakramentinoak 10:00, Izaskun auzoa, Berazubi, Lopez Mendizabal, Berdura plaza, Udaletxe aurrea eta Artxiboa (12:00). Eguraldi txarra egingo balu, aterpez aterpe ibiliko ginateke eta Alondegian bukatuko genuke 11:30ean.

Arratsaldean, Lehen Hezkuntzako 250 ikaslek Olentzero eta Mari Domingiren etorreran parte hartuko dute.

Atxikita dituzue Ikastolan landu ditugun abestiak.